قصيدة عن الندم والحزن

ياللي تساومني على الذل مابيك
بي عن غلاك الفين عايق وعايق
والله لو قلبي هتف لك يناديك
لا أقطع وريدي وانتهي في دقايق
إنس اني أمس أهواك وبروحي أفديك
وازعل عاف النوم لا صرت ضايق
كنت الغلا واليوم من روحي أنفيك
خلاص بانت للعيون الحقايق
غب في متاهات امس واقطف بأياديك
شوك الندم .. شوك الندم فيك لايق
الحب في مبداك طبعٍ يجاريك
والى رفض شبيت فيه الحرايق
تجني عليه.. ولا عنى لاجل يرضيك
تشوف نفسك فوق كل الخلايق
ياللي غرورك عن سنا الصبح يغنيك
الحِق على جرحٍ بقلبِك لحايق
متّ بخيالي مات طيفك وطاريك
ماأبيك لو ساقك من الشوق سايق